Mobil Tətbiq

Ehtiyac varmı?

Müştəri kütlənizin yaradacağınız mobil tətbiqə nə qədər ehtiyacı vardır? Bu qısa araşdırma təmsil etdiyiniz şirkəti ilkin mərhələdə 50-100 min manat vəsaitə və sərf edəcəyiniz zamana qənaət etdirə bilər. Müştəri ehtiyaclarını diqqətlə araşdırın.

Marketinq büdcəsi

Mobil tətbiqi yaratmaq bir xərc, onu bazara tanıtmaq isə əlavə xərc tələb edir. Öz təcrübəmizə əsasən deyə bilərik ki, bu gün bir mobil tətbiqin yerli bazara otuzdurulması sahədən asılı olaraq ortalama 150-220 min manat vəsait tələb edir.

Davamlı dəstək

Uğurlu mobil tətbiqin arxasında ciddi IT komanda dayanır. Əgər müştərilərə təqdim etdiyiniz mobil tətbiqi davamlı olaraq texniki dəstək göstərəcək IT komandanız mövcud deyilsə, Sizin bütün texnoloji yatırımlarınız risk altındadır.

İnteqrasiyalar

Bir çox hallarda şirkətlər bizə hazır mobil tətbiq layihəsi ilə bağlı müraciət edirlər. Layihəyə başlamadan öncə araşdırdıqda görürük ki, bəzi məlumatlar 3-cü tərəfin bazasından daxil olmalıdır. Həmin 3-cü tərəfin isə öz məlumatlarını paylaşmaq istəmədiyi ortaya çıxır.

Kontent

Bu işin daha bir çətin tərəfi mobil tətbiqin faydalı kontent ilə təmin olunmasıdır. Mobil tətbiqdə kontentlər həm statik, həm də dinamik olur. Mobil tətbiq yaratmaq istəyənlərin böyük bir qismi bu proseslərdə istifadəçilərinə istədiyi məlumatı ötürə bilmir.

Data ilə işləmə

Mobil tətbiq üzərindən əldə edilən məlumatların daim analiz olunması lazımdır. İşin bu hissəsi ilə məşğul olan əməkdaş və ya tərəfdaş şirkətiniz mövcud deyilsə, mobil tətbiqin inkişaf sürəti azala, cari bazarı sürətli şəkildə tərk edə bilərsiniz.

Yaddaşlardan silinən deyil, yaddaşlardan qalan mobil tətbiq yaradın.

Mobil Tətbiqin hazırlanması mərhələləri:

Planlama

Bu mərhələ özündə mobil tətbiqin konseptinin qurulması, atılacaq addımların müəyyən edilməsi, mobil tətbiqin gələcəkdə moneterezasiyası yollarının araşdırılmasını birləşdirir.

Prototip

Bu mərhələdə hazırlanacaq mobil tətbiqin ekran ölçüləri və interfeysinin hansı formada olması müəyyən edilir.

Dizayn Araşdırması

Sifariş əsasında hazırlanacaq mobil tətbiq üçün istifadə olunacaq rəng palitrası, dizayn elementləri, o cümlədən yerli və beynəlxaq təcrübə araşdırılır.

Proqramlaşdırma

Dizayn mərhələsinin tamamlanmasından sonra mobil tətbiqin bütün səhifələrinin dinamikliyinin formalaşdırılması mərhələsinə başlanılır.

Testinq

Bütün mərhələlər bitdikdən sonra Sifarişçi tərəfindən mobil tətbiq test olunaraq ortaya çıxan bütün texniki çatışmazlıqlar aşkar olunur və aradan qaldırılır.

Yerləşdirmə

Bütün mərhələlərin sonunda sifariş olunmuş mobil tətbiq istifadə üçün aidiyyatı üzrə Appstore və ya Google Play marketə yerləşdirilir.

Sifariş et

Məsləhət al

“Brendinq” sorğusu üzrə tapılan nəticə 29

Marcom şirkəti brendinq xidmətlərinin sayını artırır. Yerli şirkətlər ilə əməkdaşlığı genişlənir. Azərbaycanın marketinq və kommunikasiyalar şirkəti Marcom, ölkədə 300-dən çox müxtəlif fəaliyyət istiqamətli şirkətlərin partnyor olduğu Marsol sahibkarlar klubuna partnyor seçildi. Daha ətraflı