PR Xidməti

Şirkət xəbərləri

Şirkət xəbərlərini yazmağı bir çoxları bacarır. Lakin həmin xəbərlərin oxunaqlı olması üçün başlıq, struktur, xəbər şəkli hansı formada olmalıdır sualına cavabı isə yalnız KİV-lərlə ciddi iş quran və detallı araşdırma edən bilər. Bir də Siz bu bölməni oxuyursunuzsa, deməli biz həmçinin google axtarış sisteminin indekslənməsi üçün də uyğun formada yazırıq.

Müsahibələr

Müsahibə almaq kənardan asan iş kimi görünsə də, burada bir çox diqqət olunacaq məqamlar var. Müsahibələr adətən yazılı və video formatında olduğundan burada sualların düzgün qoyuluşu, cavabların oxunaqlı yazılması, şəkil və video rakursları və s. elementlərin hamısı ayrıca bir strategiyadır.

Sektor Xəbərləri

Dünyada bir çox şirkətlər sektor xəbərlərinin yayımlanmasında ciddi pay almaq üçün rəqabət aparır. Bu, Azərbaycanda yeni bir dalğa olduğu üçün çox az şirkət bu istiqamətdə işlər görməkdədir. Halbuki rəqiblərin qarşısına çıxmaq üçün bu çox gözəl bir fürsətdir. Bunun detallarını isə Marcom şirkəti daha yaxşı bilir.

Tədbirə Dəvət

Bu adi bir dəvət deyil. Bu, Sizin məhsul və ya xidmətləri potensial müştərilərə çatdırmaq üçün cəlb edəcəyiniz xüsusi texniki komandadır. Biz hər bir tədbirdə şirkətin olar və olmazlarını müəyyən edir, onu insanların sevəcəyi və rəğbət bəsləyəcəyi şəkildə təqdim edirik. Bu isə bir fəlsəfə və dəyər formalaşdırır.

Media Turun Təşkili

Bütün media nümayəndələrini bir yerə yığmaq özü ayrıca bir işdir. Bu işi isə doğru şəkildə qurmaq lazımdır ki, şirkət haqqında məlumatlar KİV-də düzgün və vaxtında yayımlansın. Bunun üçün isə hər iki tərəf ilə koordinasiyalı şəkildə işləmək və işin detallarına diqqət etmək lazımdır.

Böhran Kommunikasiyası

Əvvəllər yaranmış problemlər müştəri və şirkət arasında qalırdı. Lakin sosial şəbəkələrin sürətlə inkişaf etdiyi bir dövrdə problemlər daha tez və geniş yayılır. Kiçik bir səhv və ya anlaşılmazlıq əldə olunan bütün imicin üstündən xətt çəkilməsi təhlükəsi yaradır. Rəqiblərin bu fürsəti dəyərləndirməməsi üçün böhran kommunikasiya planı hər zaman hazır olmalıdır.

İnsanlar uğurlu hekayələri yadda saxlayır, o hekayələri isə PR yaradır,

PR xidməti üzrə işlərə necə başlayırıq?

Analiz edirik

Təmsil etdiyiniz şirkətin mediadakı cari vəziyyətini analiz etmədən hər hansı bir kommunikasiya strategiyası hazırlamaq özü bir yanlışlıq olardı. İmicinizi və işimizi riskə atmamaq üçün şirkətinizlə bağlı google platformasının indekslədiyi və görə bilmədiyi bütün məlumatları araşdırırıq.

Hazırlayırıq

PR strategiyası hazırladıqda şirkətdə baş verə biləcək məqamları belə diqqətə almağa çalışırıq. Bunun üçün şirkətin bir neçə aparıcı departament rəhbərləri ilə danışıqlar aparıb, onları strategiyanın tərkib hissəsinə əlavə edirik.

Müzakirə edirik

Biz birini bilə beşini bilməyə bilərik. Əldə etdiyimiz məlumatların həqiqəti əks etdirib etdirmədiyini Sizinlə mütləq şəkildə müzakirə edib, qaranlıq məqamlara aydınlıq gətirməliyik. Bu proses Sizi keçmişə qaytarsa da, gələcəyinizi sağlam tutmaq üçün lazımdır.

Tətbiq edirik

Hazırlanmış strategiyanın tətbiqi zamanı müəyyən dəyişiklikər ola bilər. Bu dəyişikliklərə hazır olmaq üçün əvvəlcədən hazırladığımız B planı ilə hərəkət edəcəyik.

Nəticələrə baxırıq

Effektivliyi ölçmək üçün nəticələrə baxırıq. Bu proses yarım illik və ya illik kommunikasiya strategiyamızı təkmilləşdirməyə, o cümlədən rəqiblərin davranışlarındakı dəyişiklikləri analiz etməyə imkan yaradacaq.

Sifariş et

Məsləhət al

“Brendinq” sorğusu üzrə tapılan nəticə 29

Marcom şirkəti brendinq xidmətlərinin sayını artırır. Yerli şirkətlər ilə əməkdaşlığı genişlənir. Azərbaycanın marketinq və kommunikasiyalar şirkəti Marcom, ölkədə 300-dən çox müxtəlif fəaliyyət istiqamətli şirkətlərin partnyor olduğu Marsol sahibkarlar klubuna partnyor seçildi. Daha ətraflı